[size=16]يظل إسمك شِـعِر مابيـن السـطور وتبـقه انت الأصل لو وكتي يفتر



وتظل إنت الحبيب وغيره مااريد وما ابدله بحواري البحـر والبــر




شلت إسمك حرز مابين الضلوع وحفرته اعله الزند صدّك بخنجر



ياحـنـة فــرح وشــمـوع وأعـيـاد الك فدوه البـقـه من عمري وأكثر

عـلى صوتك تغـني طيور وتطير ومـن همسـك يغـالي الورد يسـكر

من تضحك وتفرح جن إجه العيد ومن تحزن حبيبي القهـر يـحضـر

جربـت أبـتـعـد عـنـك ولـو يـوم طلعت يم باب بيتك واكف أنـطـر

حلم حبك صبح ماشـافته عيـون ما مر عالبشر بس بـيـه لـن مـــر

تسألني الليالي شبيك .. ماجاك ؟ وأكـلهـه الـيوم ما مـر باجر يـمـر

ويمر باجر وعكبه وتمشي الأيام وطـيـفـك مـابـعـد عـالروح يظهر

أحبك يـالـتـرك إسـمـك نيـاشـين ويالـبـيـك عـبـرت غـابات وأبحر

مـن أسـمـع تـغـيـب وترحل بيوم يظـل دمـعـي مـطر عالكاع يمطر

دخيـلـك كول أحبك وآني ممنون تره إختنكت الروح وكـلبـي جـمّر

يا أجـمـل مـثـلـث عرفته الروحبـي حـب وحـنـان وعشك أخضر



جنت أحسب قبل ساعات وتعود وطـالـت غــيبـتـك أيـام وأشـهـر



شريد أحجي وأسولف وأعتب وياك وحَكم هالدنيا ظل ساعه ويصفـر

لذلك راح أضـمـهه بكـلـبي تـذكار ويـكفـيـني بـشـرف بـيك آني أفخر

وداعـاً يـالحـبيب ويـا ضوه العين ويا نسـمة هـوه ويه الروح تسهـر



ووداعاً يالـنسـيـت كـلـيـبـي ويـاك يــفــرحـك لــو زمـانـك يـوم كـدّر




روح وداعة الله وباسمه محروس وجسر هالروح الك لو ردت تعبر



[size=16]واذكرني بفرح لـو عـني نـشدوك وكلـهـم وفـي بـحبه وما اظن تنكر

وأوصيـك بـوصـيـة لو متت يوم عـلى كـبري تخـط إسـمـك وتحفــر

وتـكـتـب يـا أمـيـر الزمـن غـدار وصـفـه حـتى الأخـو بـخوانه يغدر
منقـــــــــــــــــولـــــــــــــــــ
[/size]